संयुक्त राष्ट्रसंघीय ‘सस्टेनेबल डेभेलपमेन्ट सोलुसन्स नेटवर्क’ले सन् २०२२ का लागि ‘वर्ल्ड ह्यापिनेस रिपोर्ट’ प्रकाशित गरेको छ।

कोरोना भाइरसको विश्वव्यापी प्रभाव कायम रहँदा २० खुशी मुलुकको सूची प्रकाशित गरिएको हो। करिब १५० मुलुकका नागरिकसँग सर्वेक्षणबाट उक्त रिपोर्ट तयार भएको हो।

रिपोर्टअनुसार युरोपका नर्डिक मुलुकहरू डेनमार्क, नर्वे, स्विडेन र आइसल्यान्डको अवस्था सबैभन्दा राम्रो पाइएको छ।

यस सूचीको अग्रस्थानमा फिनल्यान्ड छ। यस्तै, डेनमार्क, आइसल्यान्ड, स्विजरल्यान्ड, नेदरल्यान्ड्स, लक्जेम्बर्ग, स्विडेन, इजरायल, न्युजिल्यान्ड, अस्ट्रिया, आयरल्यान्ड, जर्मनी, क्यानाडा, अमेरिका, बेलायत, चेक रिपब्लिक, बेल्जियम र फ्रान्स क्रमशः विश्वका २० वटा खुशी मुलुकको सूचीमा छन्।