जब स्वार्थका गठबन्धन बन्छन्
बुझे हुन्छ देशले केही गुमाउँदै छ

जब शीर्ष नेता तारन्तार भेट्न थाल्छन्
बुझे हुन्छ देशले केही गुमाउँदै छ

जब स्वदेशी नेता विदेशी तत्वलाई
गाली गर्न थाल्छन्
बुझे हुन्छ देशले केही गुमाउँदै छ

जब छानविन प्रतिवेदन हराउँछ
बुझे हुन्छ देशले केही गुमाउँदै छ

जब काम गर्दागर्दै कर्मचारी लखेटिन्छन्
बुझे हुन्छ देशले केही गुमाउँदै छ

जब नेताका
छोरा-छोरीले पार्टीको सदस्यता लिन्छन्
बुझे हुन्छ देशले केही गुमाउँदै छ

जब नेताले भ्रष्‍टाचारी तह लगाउँछु भन्छन्
बुझे हुन्छ देशले केही गुमाउँदै छ

जब संसद चल्न दिइँदैन
बुझे हुन्छ देशले केही गुमाउँदै छ

जब नेता सिंगापुरको यात्रामा जान्छन्
बुझे हुन्छ देशले केही गुमाउँदै छ

जब हुलका हुल उत्तर, दक्षिणतिर
दर्शन भेटका लागि जान्छन्
बुझे हुन्छ देशले केही गुमाउँदै छ

जब चाकरे बोलीले ठाउँ पाउँछ
बुझे हुन्छ देशले केही गुमाउँदै छ