काठमाडौं- ओखलढुङगा मोलुङ गाउँपालिका-६ श्रीचौर बस्ने फल बहादुर तामाङको घरमा बिद्युत सर्ट भई बुधबार दिउँसो आगलागी हुँदा घरभित्र रहेको अन्नपात, लत्ताकपडा, भाँडावर्तन, सुन तथा चाँदीका गरगहना लगायतका सरसामान जलेर करिब २० लाख रुपैयाँ बराबरको धनमाल नष्ट भएको छ ।

गुल्मी धुर्कोट गाउँपालिका-४ बरबोट बस्ने बिन्दु बस्नेतको घरमा रहेको फेन्सी पसल र सोही ठाउँ बस्ने गोमा भण्डारीको चिया नास्ता बनाउने होटलमा गएराति आगलागी हुँदा घर र घरभित्र रहेको सम्पूर्ण फेन्सी सामान तथा होटलभित्र रहेको भाडावर्तन, अन्नपात जलेर करिब ४ लाख रुपैयाँ बराबरको धनमाल नष्ट भएको छ ।