सल्यान– सल्यानकाे त्रिवेणी गाउँपालिका-२ काँरागिठीमा जलेको अवस्थामा आमा छोरीको शव भेटिएको छ।

साेही ठाउँमा बस्दै आएका २८ वर्षीय रेवती थापा र उनकी ९ महिनाकी छोरी रितुको शव उनीहरू बस्ने घरमै जलेको अवस्थामा  भेटिएकाे जिल्ला प्रहरी कार्यालय सल्यानले जानकारी दिएकाे छ।

उनीहरू सुतेकाे ओछ्यानमै आगाे लागेकाे प्रहरीले बताएकाे छ। स्थानीयले ग्यास चुहावट भएर आगलागी भएकाे हुनसक्ने आशंका गरेका छन्।

यता प्रहरीले भने शव जलेकाे अवस्थामा भेटिएकाेले थप अनुसन्धान भइरहेको बताएकाे छ।

साेही एक तले कच्ची घरमा आमा छोरी एक्लै बस्दै आएका प्रहरीले बताएकाे छ।