काठमाडौं-  धनुषा, सबैला नगरपालिका–९ भठियन चोकस्थित सडकमा हाल नम्बर नखुलेको गाडीको ठक्करबाट पैदलयात्री शहिदनगर नगरपालिका–१० सिमराढी बस्ने ६० वर्षीय दुखिया कापरको मंगलबार बेलुकी मृत्यु भएको छ । ठक्करबाट गम्भीर घाइते भएका उनको प्रादेशिक अस्पताल जनकपुरमा उपचारको क्रममा मृत्यु भएको हो ।

हाल फरार गाडी र चालकको प्रहरीले खोजी गरिरहेको छ । मोरङ, उर्लाबारी नगरपालिका–६ स्थित सडकमा प्र.१–०१–००१ख ४११२ नम्बरको बसको ठक्करबाट हाल नाम, थर, वतन नखुलेका अन्दाजी ७० वर्षीय पुरूषको बुधबार बिहान मृत्यु भएको छ ।
ठक्करबाट गम्भीर घाइते भएका उनको मदन भण्डारी ट्रमा सेन्टरमा मंगलबारेमा उपचारको क्रममा मृत्यु भएको हो ।बस चालकलाई प्रहरीले नियन्त्रणमा लिएको छ ।

दुर्घटनाका सम्बन्धमा प्रहरीले थप अनुसन्धान गरिरहेको छ ।