काठमाडाैं– काठमाडौं जिल्ला अदालतले ललिता निवास प्रकरणको सरकारी जग्गा कीर्ते प्रकरणमा पक्राउ परेका १७ जनालाई धरौटीमा छाड्न आदेश दिएको छ। भने एक जनालाई साधारण तारेखमा छाड्न आदेश दिएकाे छ।
आइतबार जिल्ला न्यायाधीश भोलानाथ ढकालको एकल इजलासले साे आदेश दिएकाे हाे।
इजलासले भाटभटेनी सुपरमार्केटका सञ्चालक मीनबहादुर गुरूङसहित १७ जनालाई धरौटीमा छाड्न आदेश दिएको छ भने केशव तुलाधरलाई साधारण तारेखमा छाेड्न आदेश दिएकाे छ।
हेर्नुहाेस् काेसँग कति धराैटी माग?
१. भाटभटेनी सुपरमार्केटका सञ्चालक मीनबहादुर गुरूङलाई दुई करोड ४६ लाख
२. तत्कालीन मालपोत कार्यालय डिल्लीबजारका तत्कालीन प्रमुख कलाधर देउजासँग १५ लाख
३. समरजंग कम्पनी तत्कालीन सहायक लेखापाल विनोदप्रासद पौडेलसँग १५ लाख,
४. भूमिसुधार तथा व्यवस्था विभागका तत्कालीन महानिर्देशक रूद्रकुमार श्रेष्ठसँग ७ लाख ५० हजार,
५. शहरी विकास तथा भवन निर्माण विभागका तत्कालीन सिनियर डिभिजनका इन्जिनियर बालकृष्ण श्रेष्ठसँग ७ लाख ५० हजार,
६. नापी कार्यालय डिल्लीबजार काठमाडौंका तत्कालीन सर्वेक्षक घमनकुमार कार्कीसँग ७ लाख ५० हजार माग गरेको हो।
७. तत्कालीन मालपोत कार्यालय डिल्लीबजार, काठमाडौंका तत्कालीन खरिदार गोपाल कार्की ७ लाख ५० हजार,
८. मालपोत कार्यालय डिल्लीबजारका तत्कालीन नासु योगराज पौडेलसँग ७ लाख ५०,
९. समरजंग कम्पनीको तत्कालीन प्रमुख लोकहरी ७ लाख ५०,
१०. खरिदार नारायणराज मिश्रसँग ७ लाख ५० हजार
११. नापी कार्यालय मैतिदेवी काठमाडौंका तत्कालीन अमिन अरूणकमार श्रेष्ठसँग ७ लाख ५०
१२. काठमाडौं महानगरपालिका-४ का तत्कालीन वडा सचिव शिवजी भट्टराईसँग ३ लाख ३० हजार,
१३. नापी अधिकृत ध्रुवप्रसाद अर्यालसँग ३ लाख ३० हजार,
१४. बाबुराजा महर्जनसँग एक लाख १० हजार
१५. देवनारायण महर्जनसँग एक लाख १० हजार
१६. सकलानन्द महर्जनसँग एक लाख १० हजार
१७. संजयकुमार महर्जनसँग एक लाख १० हजार धरौटी माग