काठमाडाैं– अस्ट्रेलिया र न्युजिल्यान्डकाे संयुक्त आयाेजनामा भइरहेकाे महिला विश्वकप फुटबलको उपाधिका लागि आज इङ्गल्यान्ड र स्पेनबीच प्रतिस्पर्धा हुँदैछ।

सेमिफाइनलमा इङ्गल्यान्डले घरेलु टोली अस्ट्रेलियालाई ३-१ गोलले र स्पेनले स्वीडेनलाई २-१ गाेल अन्तरले पराजित गर्दै फाइनल यात्रा तय गरेका थिए।

दुवै टोली इतिहासमै पहिलाे पटक फाइनल पुगेका हुन्। महिला फुटबलले १२ बर्षपछि पहिलो पटक नयाँ विश्व विजेता पाउँन लागेकाे छ।

महिला विश्वकपको ३२ वर्षे इतिहासमा हालसम्म अमेरिकाले ४ पटक, जर्मनीले २ पटक र तथा जापान र नर्वेले एक/एक पटक विश्वकपकाे ट्रफी उचालेका छन्।