आइसिसी एकदिवसीय क्रिकेट विश्वकप क्रिकेट छनोट प्रतियोगितामा नेपाल वेस्ट इन्डिजसँग पराजित भएकाे छ।
जिम्बावेको हरारे स्पोर्ट्स क्लबमा भएकाे खेलमा नेपाल दुई पटकको विश्व विजेता वेस्ट इन्डिजसँग १०१ रनले पराजित भएकाे हाे।
वेस्ट इन्डिजले दिएको ३४० रनको लक्ष्य पछ्याएको नेपाल ४९.४ ओभरमा २३८ रन बनाएर अलआउट भयो।
नेपालका लागि आरिफ शेखले ६३ रनकाे याेगदान गरे। गुल्सन झा ४२ रन बनाएर आउट भए। कप्तान रोहित पौडेल ३० रन तथा करण केसीले २८ रन बनाए। आसिफ शेख २८ रनमा आउट भए।दीपेन्द्रसिंह ऐरी २३ रन बनाएर आउट भए।
नेपालका ओपनर कुशल भुर्तेल ५ रनमा बोल्ड भए भने भीम सार्की २ रनमा आउट भए। कुशल मल्ल २ रन र सन्दीप लामिछाने १ रन जोडे।
बलिङमा वेस्ट इन्डिजका जासन होल्डरले ३, अल्जारी जोसेफ र किमो पाउलले २-२ विकेट लिए।
पहिले ब्याटिङ गरेको वेस्ट इन्डिजले ७ विकेटको क्षतिमा ३३९ रन बनाएकाे थियाे।
बलिङमा नेपालका लागि ललित राजवंशीले ३, करण केसी, सन्दीप लामिछाने, गुल्सन झा र दीपेन्द्रसिंह ऐरीले १-१ विकेट लिएका थिए।