तनहुँ– पृथ्वीराजमार्ग अन्तर्गत तनहुँको आँबुखैरेनी गाउँपालिका-२ एक्लेफाँटमा भएको दुर्घटनामा एक जनाको मृत्यु भएको छ।

बुधबार मुग्लिनबाट लमजुङतर्फ जाँदै गरेको ना ६ ख ३०१६ नम्बरको ट्रकलाई बा ७० प ९४७४ नम्बरको मोटरसाइकले ओभरटेक गर्ने क्रममा ट्रकसँग ठोक्किएर एक जनाको मृत्यु भएको जिल्ला प्रहरी कार्यालय तनहुँले बताएकाे छ।

मृत्यु हुनेमा मोटरसाइकलमा सवार लमजुङको सुन्दरबजार नगरपालिका-९ बस्ने ५८ वर्षीय चन्द्रबहादुर गुरुङ रहेको प्रहरीले जनाएको छ।

दुर्घटनामा मोटरसाइकल चालक आँबुखैरेनी गाउँपालिका-२ मार्कीचोक घर भई हाल काठमाडौं बूढानीलकण्ठ नगरपालिका-३ बस्ने ५५ वर्षीय राजु गुरुङ घाइते भएका छन्। उनलाई आँबुखैरेनी अस्पताल उपचारका लागि पठाइएको छ।