बझाङ– बझाङमा भएको सुदूरपश्चिम प्रदेशका आन्तरिक मामिला तथा कानुनमन्त्री सवार जीप दुर्घटनामा २ जनाको मृत्यु भएको छ।

मृत्यु हुनेमा मन्त्री पृथ्वीबहादुर सिंहकी श्रीमती अमृतादेवी सिंह र भाउजु जयादेवी सिंहको मृत्यु भएको जिल्ला प्रहरी कार्यालय बझाङले जानकारी दिएकाे‍ छ।

घाइते भएका मन्त्री सिंहसहित चालक धर्मराज जोशी र प्रहरी सहायक हवल्दार दीपक भण्डारीलाई हेलिकप्टरमार्फत नेपालगञ्ज लगिएको छ।

डडेल्धुराबाट बझाङ सदरमुकाम चैनपुरतर्फ आउँदै गरेको मन्त्री सिंह सवार सुदूरपश्चिम प्रदेश ००१ झ ४८० नम्बरको जीप केदारस्यूँ गाउँपालिकाको बागथलामा दुर्घटनामा परेको थियाे।

जीपमा मन्त्रीसहित उनकी सिंहकी श्रीमती अमृता सिंह, भाउजु जयादेवी सिंह, चालक धर्मराज जोशी र प्रहरी सहायक हवल्दार दीपक भण्डारी सवार थिए

जीप सडकबाट झण्डै एक सय मिटर तल खोलामा खसेको थियो।