काठमाडौं- जल तथा मौसम विज्ञान विभागले चारवटा प्रदेशमा आज क्षणिक, हल्का र मध्यम वर्षा प्रक्षेपण गरेको छ।
विभागका अनुसार कोशी, वागमती र गण्डकीका पहाडी भेगका केही स्थानमा मेघ गर्जन र चट्याङसहित हल्कादेखि मध्यम वर्षाको सम्भावना छ । मधेश प्रदेशका १-२ स्थान तथा बाँकी पहाडी भेगका थोरै स्थानमा मेघ गर्जन र चट्याङसहित क्षणिक वा हल्का वर्षाको सम्भावना छ।
मध्य र पश्चिम तराईमा भने मनसुनी वायु नपुगेका कारण अत्यधिक गर्मी यथावत् रहने विभागले जनाएको छ ।
अत्यधिक गर्मी, मेघ गर्जन, चट्याङ र वर्षाबाट हुन सक्ने क्षतिबाट बच्न आवश्यक सतर्कता अपनाउन विभागले आग्रह गरेको छ ।
देशका पूर्वी र मध्य भागमा मनसुनी प्रणाली प्रवेश गरिसकेको छ । बाँकी भूभागमा भने पश्चिमी वायुको आंशिक प्रभाव छ ।
आज दिउँसो कोशी प्रदेशलगायत पहाडी भेगमा आंशिकदेखि सामान्य बदली रही बाँकी क्षेत्रमा आंशिक बदलीदेखि मौसम सफा रहनेछ। कोशी, वागमती र गण्डकीका केही र बाँकी पहाडी भेगका थोरै स्थानमा मेघ गर्जन र चट्याङसहित हल्कादेखि मध्यम वर्षाको सम्भावना छ ।
आज राति कोशी प्रदेशलगायत पहाडी भेगमा आंशिकदेखि सामान्य बदली रही बाँकी क्षेत्रमा आंशिक बदलीदेखि मौसम सफा रहने पूर्वानुमान छ। कोशी, वागमती र गण्डकीका पहाडी भेगका केही स्थानमा मेघ गर्जन र चट्याङसहित हल्कादेखि मध्यम वर्षाको सम्भावना छ । मधेश प्रदेशसहित देशका बाँकी पहाडी भेगका १-२ स्थानमा मेघ गर्जन र चट्याङसहित क्षणिक वा हल्का वर्षाको सम्भावना छ ।