सङ्खुवासभा– सङ्खुवासभाकाे खाँदबारीमा रहेको हिमालय माध्यमिक विद्यालयले नेपाली मौलिकता र संस्कृति संरक्षण गर्ने उद्देश्यका साथ छात्रहरुलाई ढाका टोपी अनिवार्य गरेकाे छ।

चालु शैक्षिक सत्रको सुरुबाट नै छात्रहरुलाई ढाका टोपी र छात्राहरुलाई रिवन सहितको दुई चुल्ठी अनिवार्य गराईएको हो।

यसले मौलिकता र संस्कृतिप्रति विद्यार्थीकाे सम्मान बढ्दै गएको विद्यालयले बताएकाे छ। त्यस्तै १० कक्षाबाट सुरु गरिएकाे यो नियम क्रमशः तल्लो तहमा पनि लागु गर्दै लगेको विद्यालयले जानकारी दिएकाे छ।