काठमाडाैं– पाकिस्तानस्थित नेपाली राजदूतावासले एक कार्यक्रमको आयोजना गर्दै सगरमाथा आरोहणको ७०औं बार्षिकोत्सवका र अन्तर्राष्ट्रिय सगरमाथा दिवस-२०२३ मनाएकाे छ।
कार्यक्रममा पाकिस्तानका लागि नेपाली राजदूत तापस अधिकारीले हालै सगरमाथा अरोहण गरेका पाकिस्तानी पर्वतारोही नयला कियानी र साजिद अली सादपारालाई बधाइ दिँदै सगरमाथा आरोहणको प्रमाणपत्र हस्तान्तरण गरेका छन्।
अधिकारीले नेपाल सरकारले पर्वतारोहणकाका सम्बन्धमा लिएका नीति, कार्यक्रम र पर्वतारोहण एवं साहसी पर्यटनका वारेमा लिएका नीतिहरुकाे वारेमा चर्चा समेत गरे।
राजदूत अधिकारीले पर्वतारोहणमा शेर्पा समुदायको योगदानको चर्चा गर्दै पर्वतारोहणमा शेर्पाहरुको दक्षता, विश्वसनीयता र सहयोगि भावनाका कारण उनीहरुको सहयोगमा कुनै पनि पर्वत आरोहण गर्न सहज रहेको बताए। ‘शेर्पाहरु नेपालको नम्र शक्ति हुन्। नेपाली समाज उनीहरुको योगदानको उच्च सम्मान छ। पर्वतारोहणमा शेर्पाहरुको योगदानमा सदैव गौरवान्वित रहेको छ’ उनले भने।
कार्यक्रममा पर्वतारोहीहरु मिंग्मा जी शेर्पा, दावा शेर्पा, सरवाज खान, नयला कियानी र साजिद अलि साद्पाराले नेपालमा पर्वतारोहणको अनुभव सुनाउदै पर्वतारोहण अभियानमा नेपालको सरकार र जनताबाट प्राप्त सहयोग प्रति आभार व्यक्त गरे।
