काठमाडौं- राष्ट्रपति रामचन्द्र पौडेलले विभिन्न पाँच देशका लागि गैरआवासीय राजदूत नियुक्त गरेका छन्।

संविधानको धारा २८२ को उपधारा (१) बमोजिम उनीहरूलाई राष्ट्रपति पौडेलले ती देशका लागि गैरआवासीय राजदूत पदमा नियुक्त गरेका हुन्।

अस्ट्रेलियाका लागि नेपाली राजदूत कैलाशराज पोखरेललाई फिजी, ब्राजिलका राजदूत निर्मलराज काफ्लेलाई अर्जेन्टिना, रुसी महासंघका राजदूत मिलनराज तुलाधरलाई बेलारुस, डेनमार्कका प्रा. डा. रामस्वार्थ रायलाई नर्वे र पाकिस्तानका राजदूत तापस अधिकारीलाई टर्कीका लागि गैरआवासीय राजदूत नियुक्त गरिएको हो।