काठमाडौं– राष्ट्रिय स्वतन्त्र पार्टी (रास्वपा)का महामन्त्री एवं प्रवक्ता मुकुल ढकालले पार्टीबाट निस्कासित सांसद डा. ढाकाकुमार श्रेष्ठविरुद्ध सर्वोच्च अदालतमा मानहानीको मुद्दा हालेका छन्।

ढाकाले समानुपातिक सांसद बनाउन प्रवक्ता ढकाल र उपसभापति डोलप्रसाद अर्यालले २ करोड ८४ लाख रूपैयाँ मागेको आरोप लगाएपछि उनले मानहानीको मुद्दा हालेका हुन्।

प्रवक्ता ढकालले २ करोड ८४ लाख बराबर नै क्षतिपूर्तिको माग दाबी गर्दै मुद्दा हालेका छन्।

मेडिकल व्यवसायी दुर्गा प्रसाईसँग २ करोड डिल गरेको अडिओ सार्वजनिक भएपछि ढाकालाई पार्टीले कारबाही गरेको थियो।

ढाकाविरुद्धको मुद्दा आइतबार दर्ता भएको छ।