काठमाडाैं- शहिद स्मारक ‘ए’ डिभिजन लिगमा सङ्कटा क्लबले सातदोबाटो युथ क्लबलाई पराजित गरेकाे छ।

सातदोबाटोस्थित च्यासल मैदानमा आज भएको खेलमा सङ्कटाले सातदोबाटोलाई २-० गोल अन्तरले पराजित गरेकाे हाे।

सङ्कटाको जितमा दुवै गोल युसेफ एट्रिसले गरे। उनले खेलको १४औँ मिनेटमा पहिलो र २६औँ मिनेटमा व्यक्तिगत दोस्रो गोल गर्दै सङ्कटालाई जित दिलाए।

यस जितसँगै १६ खेलमा २० अङ्क जोडेको सङ्कटा अङ्कतालिकाको नवौँ स्थानमा उक्लिएको छ।

समान खेल खेलेको सातदोबाटो २३ अङ्कका साथ अङ्कतालिकाको पाँचौँ स्थानमा छ।

यसैगरी दशरथ रङ्गशालामा आजै भएको अर्को खेलमा थ्री स्टार क्लबले न्युरोड टिम (एनआरटी) सँग गोलरहित बराबरी खेल्दै अङ्क बाँडेको छ।

यस खेलसँगै थ्री स्टार दोस्रो स्थानमा उक्लिएको छ। थ्री स्टारको १६ खेलमा २५ अङ्क छ। यस्तै एनआरटी १६ खेलमा १८ अङ्क जोड्दै १२ औँ स्थानमा छ।