काठमाडौं । नेपाली कांग्रेसकी सांसद तथा देउवा पत्नी आरजू राणा देउवाले आफूलाई भ्रष्टाचारका मुद्दामा जोडेर प्रचार गरिएकोमा आपत्ति जनाएकी छन्।

आज सांसदमा आक्रामक रुपमा प्रस्तुत हुँदै उनले यसका लागि जसले जति क्रिटिसाइज गरे पनि आफूले केही नबिराएको र नडराउँने बताएकी हुन्।

आफ्नो श्रीमान ५-६ चोटि प्रधानमन्त्री बनेको र आफूहरुको सम्पत्तिको सबै विवरण सरकारसँग रहेको राणाले बताइन्।

“हामी सम्पत्ति विवरण बुझाउँछौं। मेरो श्रीमान ५-६ चोटि प्रधानमन्त्री हुनुभएको छ। मेरो लगायत, हाम्रो सम्पत्ति विवरण नेपाल सरकारसँग सुरक्षित छ। म अनुरोध गर्न चाहन्छु, आजसम्म जति सांसद छौं, सबैको सम्पत्ति विवरण प्रकाशित गरेर वेवसाइटमा राखियोस। जनताले देखोस, कसको बढ्यो, कति बढ्यो, स्रोत के हो?” उनले भनिन्।