काठमाडौं- जल तथा मौसम विज्ञान विभागले चारवटा प्रदेशमा वर्षाको आकलन गरेको छ।
बिहान ६ बजे मौसम अलर्ट जारी गर्दै विभागले सुदूरपश्चिम, कोशी, गण्डकी र कर्णाली प्रदेशका पहाडी भेगका केही स्थानमा मेघ गर्जन र चट्याङसहित क्षणिक वा हल्का वर्षाको सम्भावना औंल्याएको हो।
अहिले बिहान देशका अधिकांश भूभागमा मौसम सफा छ। आज दिउँसो कोशी, गण्डकी र कर्णालीका पहाडमा आंशिकदेखि सामान्य बदली रही देशका बाँकी भेगमा आंशिक बदलीदेखि मौसम सफा रहने छ। कोशी, गण्डकी र कर्णाली प्रदेशका पहाडी भेगका केही स्थानमा मेघ गर्जन र चट्याङसहित क्षणिक वा हल्का वर्षाको सम्भावना छ।
आज राति सुदूरपश्चिम, कर्णाली, गण्डकी र कोशी प्रदेशका पहाडमा आंशिकदेखि सामान्य बदली रही देशका बाँकी भेगमा आंशिक बदलीदेखि मौसम सफा रहने छ। सुदूरपश्चिम, कोशी, गण्डकी र कर्णाली प्रदेशका पहाडमा मेघ गर्जन र चट्याङसहित क्षणिक वा हल्का वर्षाको सम्भावना छ।