भद्रपुर- भारतबाट ल्याउँदै गरेको मकै झापामा प्रहरीले बरामद गरेको छ।

आज बिहान झापाको गौरीगञ्ज गाउँपालिका-२ आँपगाछीमा प्रहरीले ८८ बोरा मकै नियन्त्रणमा लिएको हो।

उक्त मकै मे१त ७११० नम्बरको ट्र्याक्टरमार्फत नेपाल भित्र्याइएको थियो। इलाका प्रहरी, गौरगञ्ज र प्रहरी चौकी कोरोबारीको संयुक्त टोलीले ९६ हजार ८०० रुपैयाँ बराबरको ८८ बोरा मकै र ४ लाख रुपैयाँ बराबरको ट्र्याक्टर नियन्त्रणमा लिएको हो।

बरामद मकै र ट्र्याक्टर प्रहरीले आवश्यक कारवाहीका लागि काँकडभिट्टास्थित मेची भन्सार कार्यालयलाई बुझाएको छ।