काठमाडौं – ललितपुरको गोदावरीमा साइकल दुर्घटना हुँदा एक जनाको मृत्यु भएको छ ।

आज बिहान गोदावरी नगरपालिका–६ टिकाभैरवस्थित सडकमा ४० वर्षीय मनि गुरूङको मृत्यु भएको हो ।

पोखरा घर भई ललितपुर महानगरपालिका–५ मानभवन बस्ने गुरूङले चलाएको साइकल अनियन्त्रित भएर दुर्घटना भएको जिल्ला प्रहरी परिसर ललितपुरका प्रवक्ता एसपी प्रविण पोखरेलले जानकारी दिए ।

दुर्घटनापछि गम्भीर घाइते भएका गुरूङको मेडिसिटी अस्पतालमा उपचारको क्रममा मृत्यु भएको प्रहरीले जनाएको छ ।