काठमाडौं । एसिसी प्रिमियर कपमा हङकङले युएईविरुद्ध मध्यम लक्ष्य प्रस्तुत गरेको छ । आज मुलपानी मैदानमा टस हारेर ब्याटिङको निम्तो पाएको हङकङले निर्धारित ५० ओभरमा ८ विकेट गुमाउँदै २६३ रन बनाएको हो ।

हङकङका लागि अंशुमनले शतक प्रहार गरे । उनले ११७ बलमा १०६ रन जोडे । साथै किञ्चित शाहले ३५ रन, अजिज खानले २७ रन तथा कप्तान निजाकत खानले २२ रन जोडे ।

बलिङतर्फ युएईका आयान अज्फल खानले सर्वाधिक ५, सञ्चित शर्माले २ विकेट तथा जुनैदले एक विकेट लिए ।