काठमाडौं- एसीसी प्रिमियर कपमा मलेसियाले पहिलो जित हात पारेको छ। मुलपानी क्रिकेट मैदानमा आज भएको खेलमा मलेसियाले साउदी अरेबियामाथि ८ विकेटको फराकिलो जित हात पारेको हो।

टस हारेर ब्याटिङको निम्तो पाएको साउदी ४६.२ ओभरमा १५३ रनमा अलआउट भएको हो ।

यसअघि साउदीले दिएको मध्यम लक्ष्य पछ्याएको मलेसियाले २१.२ ओभरमा २ विकेट गुमाउँदै लक्ष्य भेट्टायो ।

यो जितसँगै समूह ‘ए’ मा रहेको मलेसियाले दुई अङ्क जोडेको छ । मलेसिया पहिलो खेलमा नेपालसँग पराजित भएको थियो ।