काठमाडौं- एसीयन क्रिकेट काउन्सिल (एसीसी) प्रिमियर कपमा बहराइनले सिंगापुरलाई २ सय ८७ रनको लक्ष्य दिएको छ ।

टियु मैदानमा जारी खेलमा टस जितेर ब्याटिङ रोजेको बहराइनले ५० ओभरमा ८ विकेट गुमाएर २ सय ८६ रन बनायो।

बहराइनका लागि फैज अहमदले ५९ बलमा ७९ रन बनाउँदा शाहबाज बदरले ९८ बलमा ७६ रन बनाए ।  साहिल अहमदले ४६ तथा कप्तान हैदर बटले २९ रन बनाए ।

सिंगापुरका लागि रमेश कालिमान्थु, थिलिपन ओमिदुरी र विनोथा बसकरनले समान २/२ विकेट लिए ।