काठमाडौं – शहीद स्मारक ए डिभिजन लिगमा संकटा क्लबले आज न्युरोड टिम (एनआरटी) लाई २–१ ले पराजित गरेको छ । यो जितपछि संकटा शीर्ष ६ भित्र उक्लिएको छ । दशरथ रंगशालमा भएको खेलमा संकटाले दुवै गोल पहिलो हाफमा गरेको थियो ।
खेलको २२ औं मिनेटमा जुनियर एनकुनगुए र ३७औं मिनेटमा मनिष डाँगीले गोल गरे । एनआरटीका लागि निकोलस सर्जले ६२औं मिनेटमा एक गोल फर्काएपनि संकटालाई जितबाट रोक्न सकेन ।
यस सिजन तेस्रो जितपछि ८ खेलबाट १२ अंक जोडेको संकटा छ स्थानमा उक्लिएको छ ।
यस्तै, आज भएको अर्काे खेलमा हिमालयन शेर्पा क्लबले एपीएफ क्लबलाई ३–१ ले पराजित गरेको छ । च्यासल मैदानमा भएको खेलमा हिमालयनले एपीएफलाई ५–३ ले पराजित गरेको हो । रोमाञ्चक खेलमा हिमालयन शेर्पालले तीन गोलको अग्रता लिएपनि एपीएफले पुनरागमन गर्दै तीन गोल नै फर्काएको थियो ।
तर त्यसपछि हिमालयन शेर्पाले दुई गोल गर्दै जित हात पारेको हो । सुदिप श्रेष्ठले आठौं मिनेटमै गोल गर्दै हिमालयनलाई अग्रता दिलाएका थिए । सत्यम शर्माले २४ र २८औं मिनेटमा गोल गरेपछि आधा घण्टामै हिमालयन शेर्पाले ३–० को अग्रता बनायो ।
तर एपीएफले पुनरागमन ग¥यो । पहिलो हाफको इन्जुरी टाइममा एपीएफका अर्मान्ड बेउडोमले गोल गरे । सनिस श्रेष्ठले ४६औं र प्रदिप लामाले ६२औं मिनेटमा गोल गरेपछि एपीएफ खेल ३–३ को बराबरीमा पुग्यो।
रोमाञ्चक बनेको खेलमा अबायोमी फाकुनलेले ७५औं र विश्वास श्रेष्ठले ८८औं मिनेटमा गोल गरेपछि हिमालयन शेर्पाले खेल ५–३ ले जितेको हो । सिजनको दोस्रो जितपछि ८ खेलबाट ९ अंक जोडेर हिमालयन शेर्पा १०औं स्थानमा उक्लेको छ । उता तेस्रो हार बेहोरेको एपीएफ ८ खेलबाट ११ अंकसहित आठौं स्थानमा छ ।