भक्तपुर- चाँगुनारायण नगरपालिका-२ बर्खेबाट करिब ९९८ ग्राम सालकको खपेटा बरामद भएको छ।

उक्त प्रतिबन्धित वस्तुसहित २ जनालाई प्रहरीले पक्राउ गरेको छ। पक्राउ पर्नेहरूमा चाँगुनारायण नगरपालिका-२ बस्ने मकवानपुर हेटौंडा उपमहानगरपालिका-३ घर भएका २२ वर्षीय आशुतोष थपलिया र सिन्धुपाल्चोक त्रिपुरासुन्दरी गाउँपालिका-२ घर भएका २६ वर्षीय अमृत गजमेर छन्।

विशेष सूचनाको आधारमा जिल्ला प्रहरी परिसर भक्तपुरबाट खटिएको प्रहरीले वागमती प्रदेश ०२-०२० प ८४९७ नम्बरको मोटरसाइकललाई जाँच गर्ने क्रममा त्यसमा सवार उनीहरूले खपेटा बोकेको फेला परेको थियो। उनीहरूमाथि प्रहरीले थप अनुसन्धान अगाडि बढाएको छ।