रेसुङ्गा– अटिजम पाठशाला भएपनि शिक्षक नहुँदा गुल्मीमा समस्या भइरहेको छ । आइतबार विश्व अटिजम जागरुकता दिवस मनाइरँदा गुल्मीमा रहेको पाठशालामा अभिाभवक नै दिनभर पाठशालामा बस्न बाध्य हुनुपरेको छ ।

गुल्मीमा अटिजम भएका बालबालिकालाई छुट्टै पाठशाला भएपनि शिक्षक नहुँदा समस्या देखिएको छ । जिल्लाको रुरुक्षेत्र गाउँपालिका–१ मा रहेको अटिजम पाठशालामा शिक्षक नहुँदा अभिभावकहरु दिनभर पाठशालामै बस्न बाध्य छन् ।

पाल्पाको पूर्वखोला गाउँपालिका–१ की सुकमाया हिस्की छोरा पढाउन बुटवल बस्नुहुन्थ्यो । उहाँको छोरालाई अटिजम सम्बन्धि समस्या देखिएपछि उहाँ त्यस्तै पाठशालाको खोजीमा लाग्नुभयो ।
पाल्पाबाट बुटवल जानुभएकी सुकमाया छोरालाई पढाउन गुल्मी आउनुप¥यो । बच्चामा समस्या देखिएपछि मैले बाँधेर राख्ने र कोठामा थुन्ने उनले गुल्मीमा पाठशाला छ भनेपछि सहज भएको बताइन् ।

शिक्षक नहुँदा आफु दिनभर पाठशालामै बस्न बाध्य हुनुपरेको छ । शिक्षकसँगै आवास सहितको सुविधा भएका धेरै राहात हुने सुकमायाको भनाइ छ ।

गुल्मीको रुरुक्षेत्र गाउँपालिका–१ की रिता पाण्डे पौडेल पनि आफ्नो सन्तानले अस्वभाविक क्रिया देखाएपछि पिरलोमा थिए । समस्या पहिचान नभएपछि सन्तानलाई घरमै राख्न बाध्य भएकी उनी अटिजम पाठशालाको सम्पर्कमा आएपछि राहात मिलेको छ । बच्चालाई लिएर आएका अभिभावकले एकआपसमा सिकाउँदा अटिजम भएका बालबालिकाको सिकाइमा केही परिवर्तन आएपनि शिक्षक नहुँदा आफुहरुलाई समस्या देखिएको पाण्डेले बताए ।

अभिभावक सुकमाया, रिता र अर्की बिमला परियारले स्वयंसेवकको रुपमा अन्य बालबालिकाको सिकाइलाई सहजीकरण गर्दै आएको छ । अटिजम मस्तिष्कको बिशेष अवस्था हो । अटिजम भएका बालबालिकाको शारिरीक अवस्था सामान्य भएपनि सामाजिक सीप, सञ्चार सम्बन्धि सीप र सिकाइको क्षमता कम हुन्छ ।

रुरुक्षेत्रका अगुवा स्थानीय समाजसेवीको पहलमा वि।सं। २०७४ अटिजम पाठशाला नेपाल स्थापना भएको थियो । पाठशालामा अहिले १४ जना अटिजम भएका बालबालिकाकाहरु सिकाईका लागि आउँछन् । यसअघि लुम्बिनी प्रदेश र रुरुक्षेत्र गाउँपालिकाको कुल ६० लाख सहयोगमा ५ कोठाको भवन पाठशालाका लागि बनेको छ । पाठशालामा शिक्षक नभएपछि ३ जना अभिभावकले एकआपसमा बालबालिकालाई सिकाउँदै आएका छन् । उनीहरुलाई पाठशालाले स्वयंसेवक शिक्षक भनेको छ ।

अटिजम पाठशाला नेपालकी अध्यक्ष अमृता भण्डारीले पाठशालामा शौचालयको अभाव, भान्साकोठाको अभाव र शिक्षक नहुँदा समस्या झेल्नुपरेको बताउछन् । अगुवा समाजसेवीको पहलमा हामीले अटिजम पाठशाला खोलेपछि त्यस्ता बालकालिका र उनका अभिभावकलाई राहात भएको छ । राज्य तहबाट कुनै शिक्षक नहुँदा निकै सास्ती खेप्नुपरेको उनले बताए ।