काठमाडौँ – नेपाली चलचित्र ‘परस्त्री’ फागुन १९ गतेको पूर्वनिर्धारित रिलिज योजना स्थगित गरेको छ । उक्त फिल्ममा कोशिश क्षेत्री र शिल्पा मास्केको प्रमुख अभिनय रहेको छ ।
केही दिनअघि निर्माताले फागुन १९ मा फिल्म ल्याउने भन्दै प्रचारप्रसारलाई तीव्र बनाएका थिए ।
छक्कापञ्जा ४’ र ‘छड्के २’ आउने भएपछि प्रदर्शन रोकिएको हो । निर्मात्री शर्मिला पाण्डेले प्राविधिक काममा ढिलाइ हुँदा उक्त मितिमा फिल्म नआउने बताइन् ।
दीपेन्द्र के खनालद्वारा लिखित यो फिल्मलाई सुरज पाण्डेले निर्देशन गरेका हुन् । फिल्मलाई नेपाल र भारतमा एकसाथ प्रदर्शन गर्ने योजनासहित नयाँ रिलिज मिति घोषणा गर्ने पाण्डेले बताइन् ।
आगामी फागुन ५ गते फूलबारी फिल्म रिलिज हुने भएपछि परदेशी २ पनि रोकिएको हो । यसअघि यो फिल्म गत वर्षको दशैंमा आउने योजनामा थियो । यो फिल्म रिलिज नभएसम्म प्रकाश सपुतले अर्को फिल्म नगर्ने भएका छन् ।
चर्चित फिल्मको दोस्रो श्रृंखला रहेको परदेशी २ को टिजरले आशा गरेअनुसार प्रतिक्रिया पाउन सकेन ।