नयाँदिल्ली- बलिउड अभिनेत्री ज्याकलिन फर्नान्डिसविरुद्ध नोरा फतेहीले दायर गरेको मानहानीको मुद्दामा २५ मार्चमा सुनुवाइ हुने भएको छ।
नयाँदिल्लीस्थित पटियाला हाउस कोर्टमा मुद्दामाथि सुनुवाइ मिति तोकिएको हो। नोराले ज्याकलिनसहित केही सञ्चार माध्यमविरुद्ध मानहानी मुद्दा दायर गरेकी छन्।
धेरै अनुन्धान एजेन्सीहरूले नोरा र ज्याकलिनमाथि सुकेश चन्द्रशेखरलगायत मानिससँग जोडिएको २०० करोड भारतीय रुपैयाँ जबर्जस्ती असुली गरेको आरोपमा केरकार गरेका छन्।
शनिबार यो मुद्दा मेट्रोपोलिटन मजिस्ट्रेट कपिल गुप्ता समक्ष सुनुवाइ हुने सूची थियो। तर, उनी सरकारी तालिममा सहभागी रहकाले सुनुवाइ गर्न पाएनन्।
१९ डिसेम्बर २०२२ मा उजुरीकर्ता वकिलले प्रत्यक्षदर्शीको सूची संकलन गर्न अदालतको अतिरिक्त समय मागेका थिए। नोराको उजुरीअनुसार ज्याकलिनको बयानबाट उनको प्रतिष्ठामा नोक्सानी पुगेको छ।
