काठमाडौं- अभिनेत्री नुसरत भरुचा फिल्म सुटिङका क्रममा घाइते भएकी छन्।

नुसरत फिल्म ‘छोरी–२’ को एक्सन दृश्य सुटिङ गर्ने क्रममा घाइते भएकी हुन्। उनको अनुहार र हातमा चोट लागेको छ। अनुहारमा टाँका लगाइएको छ।

नुसरत यसअघि पनि सुटिङका क्रममा घाइते भएकी थिइन्।

नुसरतलाई चोट लागेपछि उनकी सह(अभिनेत्री इशिता राजले सामाजिक सञ्जालमा जानकारि दिएकी छन्। उनले नुसरत क्लिनिकमा सुतेको भिडिओसहित इन्स्टाग्राम ह्यान्डलमा लेखेकी छन्, ‘सानो भिडिओ इन्स्टाग्राममा औपचारिकताका लागि हो।’

भिडिओमा फिल्मका निर्देशक विशाल फुरियाले नुसरतको तारिफ गर्दै लेखेका छन्, ‘यो ठूलो साहसिक कार्यका लागि एउटा साहसी घाउ, त्यसैले हामी सबैले तपाईंलाई धेरै माया गर्छौं।’

नुसरतको यो फिल्म सन् २०२३ मा रिलिज हुने छ।