काठमाडौं- नयाँ सडकको सामाजिक, राजनीतिक र साहित्यिक इतिहास समेटिएको प्रकाश गुरागाईंको पुस्तक ‘जङ्क्सन पीपलबोट’ प्रकाशित भएको छ।

पुस्तकमा काठमाडौंको नयाँ सडकसँग जोडिएका पूर्वाधारदेखि सामाजिक, सांस्कृतिक, राजनीतिक र साहित्यिक इतिहास समेटिएको लेखकले बताएका छन्। नयाँ सडक विसं १९९० को भूकम्पपछि बनेको सडक हो। यसलाई नेपालको पहिलो कालोपत्रे सडक मानिन्छ।

यहाँबाट आधुनिक सञ्चार, रेस्टुराँ, मलजस्ता संस्कृतिको शुरुवात भएको थियो। राणाविरुद्ध पहिलो सशक्त आन्दोलन थालेको प्रजा परिषद्को इतिहास पनि नयाँ सडकसँगै सम्बन्धित छ। पुस्तक इतिहासको यात्रा भएको प्रकाशक फिनिक्स बुक्सले जनाएको छ।

छिट्टै पुस्तकको औपचारिक विमोचन गरिने प्रकाशक संस्थाको भनाइ छ। ३१५ पृष्ठको पुस्तकको मूल्य ४५० रुपैयाँ छ।