काठमाडौं- फिफा वल्र्ड कप फुटबल फाइनलमा आज अर्जेन्टिना र फ्रान्स भिड्दै छन् ।

फाइनल खेलको नतिजा जेसुकै होस्, तर लियोनल मेस्सीको विश्वकप फुटबलमा यात्रा यहीँ अन्त्य हुनेछ । उनीबिनाको फुटबलको आनन्द अलि कम हुनेछ।

आइतबार हुने फाइनल खेलमा जे सुकै होस्, तर अहिलेसम्म मेस्सीले आफ्नो प्रदर्शनद्वारा विश्वभरका फुटबलप्रेमीहरुको मनमा आफ्नो छुट्टै स्थान बनाउन सफल भइसकेका छन् ।

३५ वर्षीय मेस्सी लामो समयसम्म खेल्न नसक्ने भएकाले उनको खेलको हरेक पलको आनन्द लिन आवश्यक छ ।

यो विश्वकपमा मेस्सीले ६ खेल खेलेका छन् र चार खेलमा उनी म्यान अफ द म्याच चुनिएका छन् । उनले आफ्नो टोलीका लागि पाँच गोल गरेका छन् भने तीन गोलमा असिस्ट गरेका छन् ।