काठमाडौं- एमालेबाट विभाजित भएर पहिलोपटक आम निर्वाचनमा सहभागी भएको एकीकृत समाजवादी राष्ट्रिय दल नबन्ने दिशातर्फ उन्मुख भएको छ।
निर्वाचन आयोगका अनुसार हालसम्म गणना सकिएको ९९ लाख ३४ हजार ७३६ मत सबै सदर मत हो।
कुल मतदाताको ६१ प्रतिशतले मतदानमा सहभागिता जनाएको आधारमा निर्वाचन आयोगले एक करोड नौ लाख २४ हजार ३९८ मत खसेको अनुमान गरेको छ।
र, त्यसमा समानुपातिकतर्फको करिब पाँच प्रतिशत मत बदर भएको अनुमान छ। त्यस अनुमानका आधारमा ५ लाख ४६ हजार २२० मत बदर भएको मान्न सकिन्छ। त्यसको अर्थ हो, अब गणना हुन बाँकी मतको करिब ४ लाख ४३ हजार ४४२ मत मात्र सदर हुन सक्छ।
एकीकृत समाजवादीले हालसम्म २ लाख ८० हजार २०० मत मात्र पाएको छ। र, उक्त पार्टीले अझै २० हजार मत प्राप्त गर्नुपर्ने हुन सक्छ। एकीकृत समाजवादीले हालसम्म पाउँदै आएको अनुपात हेर्दा त्यति संख्यामा समानुपातिक मत प्राप्त गर्ने सम्भावना न्यून देखिएको छ।