कतारमा हुने विश्वकप फुटबलमा सुरक्षा सहयोग गर्न टर्कीले सेना पठाउने भएको छ।

टर्कीको संसदले त्यससम्बन्धी कानून बुधबार पारित गरेको हो। आफ्नो सेना कतार पठाउने विषयमा टर्कीको सरकारले संसदमा ल्याएको प्रस्ताव पारित भएको हो। कतारमा हुन गइरहेको विश्वकप फुटबलमा सहयोगका लागि टर्कीले सेना पठाउन लागेको हो।

यसअघि कतारले टर्कीसँग सेनाको सहयोगका लागि अनुरोध गरेको थियो। टर्कीको संसदबाट पारित प्रस्तावअनुसार टर्कीले कतारमा ६ महिनासम्मका लागि सेना पठाउने छ। त्यसको संख्या भने यकिन गरिएको छैन।