काठमाडौं- काठमाडौं महानगरपालिका-३ महाराजगञ्जस्थित सडकमा बा.४२ प ३३१४ नम्बरको स्कुटर आफै अनियन्त्रित भई बिहीबार बिहान दुर्घटना हुँदा स्कुटर चालक नुवाकोट शिवपुरी गाउँपालिका-४ घर भई काठमाडौं महानगरपालिका-३ महाराजगञ्ज खाडीपाखा बस्ने २० वर्षीय आनन्द गुरुङको मृत्यु भएको छ । दुर्घटनामा गम्भीर घाइते भएका उनको शिक्षण अस्पताल महाराजगञ्जमा उपचारको क्रममा मृत्यु भएको हो । साथै दुर्घटनामा घाइते भएका स्कुटरमा सवार अर्का एक जनाको सोही अस्पतालमा उपचार भइरहेको छ ।
रूपन्देही रोहीणी गाउँपालिका-३ धकधईस्थित सडकमा लु.१ ज २८५३ नम्बरको कारले लु.४१ प ९८७ नम्बरको स्कुटरलाई बुधबार साँझ ठक्कर दिँदा स्कुटरमा सवार बुटबल उपमहानगरपालिका-११ देवीनगर बस्ने २१ वर्षीया झरना चौधरीको मृत्यु भएको छ । दुर्घटनामा गम्भीर घाइते भएकी उनको भिम अस्पताल भैरहवामा उपचारको क्रममा मृत्यु भएको हो । साथै दुर्घटनामा घाइते भएका स्कुटर चालकको सोही अस्पतालमा उपचार भइरहेको छ । कार चालकलाई प्रहरीले नियन्त्रणमा लिएको छ ।
सर्लाही ईश्वरपुर नगरपालिका-१२ घारी बथानस्थित सडकखण्डमा बा.२ ज २१०२ नम्बरको ट्याक्सीको ठक्करबाट पैदलयात्री लालबन्दी नगरपालिका-१४ बस्ने सोम बहादुर दोङ्गका ६ वर्षीय छोरा ज्ञानी दोङ्गको बुधबार दिउँसो मृत्यु भएको छ । ठक्करबाट गम्भीर घाइते भएका उनको प्रादेशिक अस्पताल जनकपुरमा उपचारको क्रममा मृत्यु भएको हो । ट्याक्सी चालकलाई प्रहरीले नियन्त्रणमा लिएको छ ।
कास्की पोखरा महानगरपालिका-२ अर्चलबोटस्थित सडकखण्डमा ग.७ प २५९२ नम्बरको स्कुटरले पैदलयात्रीलाई ठक्कर दिई अनियन्त्रित भएर पल्टिदा स्कुटर चालक सोही महानगरपालिका-१३ भद्रकाली बस्ने २९ वर्षीय विशाल नेपालीको बुधबार बेलुकी मृत्यु भएको छ ।
झापा शिवसताक्षी नगरपालिका-१ फुलवारी चोकस्थित सडकमा प्रदेश १-०१-००२ ह ७२९ नम्बरको सिटी सफारी र प्रदेश १-०१-०१३ प ७३०८ नम्बरको मोटरसाइकल एकआपसमा ठक्कर खाई बुधबार दिउँसो दुर्घटना हुँदा मोटरसाइकलमा सवार चालक ३५ वर्षीय कमल मिश्रकी २ वर्षीया छोरी संस्कृती मिश्रको मृत्यु भएको छ । दुर्घटनामा गम्भीर घाइते भएकी उनको बीएण्डसी अस्पताल विर्तामोडमा उपचारको क्रममा मृत्यु भएको हो । साथै दुर्घटनामा घाइते भएका मोटरसाइकलमा सवार चालक समेत २ जनाको सोही अस्पतालमा उपचार भइरहेको छ । सिटी चालकलाई प्रहरीले नियन्त्रणमा लिएको छ ।
महोत्तरी लोहारपट्टी नगरपालिका-३ स्थित सडकमा ज.२ प ३८९४ नम्बरको मोटरसाइकल र प्रदेश-२-०२-००५ प ५८०० नम्बरको मोटरसाइकल एकआपसमा ठक्कर खाई बुधबार राति दुर्घटना हुँदा प्रदेश-२-०२-००५ प ५८०० नम्बरको मोटरसाइकल चालक सोही ठाउँ बस्ने २६ वर्षीय नसिब नदाफको मृत्यु भएको छ । दुर्घटनामा गम्भीर घाइते भएका उनको गोदावरी अस्पताल जनकपुरमा उपचारको क्रममा मृत्यु भएको हो । साथै दुर्घटनामा घाइते भएका अर्का मोटरसाइकल चालकको सोही अस्पतालमा उपचार भइरहेको छ ।
कञ्चनपुर पुनर्वास नगरपालिका-११ अमरबस्तीस्थित सडकखण्डमा से.७ प ४७६५ नम्बरको मोटरसाइकल बिजुलीको पोलमा ठोक्किएर बुधबार राति दुर्घटना हुँदा मोटरसाइकलमा सवार २ जनाको मृत्यु भएको छ । मृत्यु हुनेहरूमा मोटरसाइकल चालक कैलाली धनगढी उपमहानगरपालिका-३ चटकपुर बस्ने २३ वर्षीय गुड्डु राना र मोटरसाइकलमा सवार कञ्चनपुर पुनर्वास नगरपालिका-१० बिकासबस्ती बस्ने २२ वर्षीय बिशाल राना रहेका छन् । दुर्घटनामा गम्भीर घाइते भएका उनीहरूको सेती प्रादेशिक अस्पताल धनगढीमा उपचारको क्रममा मृत्यु भएको हो ।
बारा जितपुरसिमरा उपमहानगरपालिका-४ स्थित सडकमा ज.४ प २०३७ नम्बरको मोटरसाइकलबाट लडेर मोटरसाइकलमा सवार सोही उपमहानगरपालिका-१८ बस्ने ७० वर्षीया दुर्गा देवी ढुंगेलको बुधबार दिउँसो मृत्यु भएको छ । मोटरसाइकलबाट लडेर गम्भीर घाइते भएकी उनको उपचारको लागि अस्पतालतर्फ लैजाने क्रममा बाटोमै मृत्यु भएको हो ।