काठमाडौँ । भारतको युपीको औरैयामा एक शिक्षकको कुटाइबाट दलित विद्यार्थीको मृत्यु भएको छ । घटनापछि सोमबार झडप भएको छ ।

बालकको शव गाउँ पुगेपछि आक्रोशित गाउँलेले प्रहरीको गाडीमा आगजनी गरेका थिए । प्रहरीमाथि ढुंगा हानेका थिए ।

वरिष्ठ अधिकारीले पीडित परिवारसँग कुरा गरेका थिए । त्यसपछि परिवारले अन्तिम संस्कारका लागि सहमति जनाए । मंगलबार बिहानैदेखि शवको अन्तिम संस्कारको तयारी सुरु भएको थियो । तर, प्रहरीले दंगामा संलग्न व्यक्तिलाई पक्राउ गरेको जानकारी दिएपछि परिवारले शव दाहसंस्कार गर्न अस्वीकार गरेका थिए ।

घटनामा संलग्न भएका आरोपमा प्रहरीले करिब २ देखि २५० जनालाई कारबाही गरिएको एसपी चारु निगमले बताए । अभियुक्तमा मृतकका बाबु राजु दोहराको नाम पनि परेको छ । परिवारको नाम अज्ञातमा परेको छ ।

प्रहरीले औरैयाको अछाल्दा नगरको बजार बन्द गरेको छ । प्रहरीले सूचना जारी गरी पसल बन्द गराएको हो । सहरमा कर्फ्यूजस्तो अवस्था छ । जिल्लाका धेरै ठाउँमा प्रहरीले ब्यारिकेडिङ समेत गरेको छ ।