धनगढी- दशैंका लागि दार्चुलाका दुर्गम टिंकर र छाङरूमा हेलिकोप्टरबाट चामल पठाइने भएको छ।

दशैंअघि हेलिकोप्टरमार्फत चार सय क्विन्टल चामल पठाएने तयारी भएको छ। टिंकरमा १६० र छाङरूमा २४० क्विटल चामल ढुवानीका लागि खाद्य व्यवस्था तथा व्यापार कम्पनीले बोलपत्र आह्वान गरेको छ।

कम्पनीको शाखा कार्यालय दार्चुलादेखि व्यास गाउँपालिकाका टिंकर र छाङरूसम्म हेलिकोप्टबाट खाद्यवस्तु ढुवानीका लागि हेलिकोप्टर कम्पनी वा कार्गो एजेन्सीले गोप्य सिलबन्दी पेश गर्न आह्वान गरिएको छ। स्वीकृत भएको हेलिकोप्टर कम्पनी वा कार्गो एजेन्सीले १४ असोजमा कम्पनीसँग सम्झौता गर्नुपर्नेछ।