काठमाडाैं : नेपाल चीन सीमाका दुवैनाका सञ्चालनमा आएका छन। डेढ महिनादेखि बन्द रहेकाे तातोपानी र रसुवागढी नाका बिहीबारदेखि सञ्चालनमा आएकाे हाे।

रसुवागढी नाकाबाट बिहीबार बिहान सात वटा र तातोपानी नाकाबाट दुई वटा कन्टेनर नेपाल भित्रिएकाे छ।

रसुवाका प्रमुख जिल्ला अधिकारी नवराज जैसीकाअनुसार बिहीबार बिहान नाकाबाट सात वटा कन्टेनर नेपाली भन्सार यार्डमा आइपुगेकाे छ । थप सात वटा कन्टेनर आउने जानकारी चिनियाँ पक्षले गराएकाे उनले बताए ।

यता तातोपानी नाकाबाट कति कन्टेनर दैनिक नेपाल भित्रिन्छन् भन्ने स्पष्ट जानकारी नआएकाे भन्सार कार्यालयले जनाएको छ । बिहीबार भित्रिएकाे कन्टेनरमा एउटामा कच्चा उन र अर्कोमा जलविद्युत् पूर्वाधारका सामग्री रहेको भन्सार कार्यालयले जनाएको छ ।