सुनसरी- राप्रपा प्रदेश नम्बर १ को प्रवक्तामा सुनसरीका विजयकुमार राउत चयन भएका छन्।
राप्रपाको ५ भदौमा सम्पन्न पहिलो विस्तारित बैठकबाट राउतलाई प्रदेश अध्यक्ष राम थापाले प्रवक्ता मनोनित गरेका हुन्। बैठकले प्रदेशको वरिष्ठ उपाध्यक्षमा होम कुरुङबाङ, महिला उपाध्यक्षमा राधा ढकाल, सहसचिवमा चन्द्रबहादुर थापा र सहसचिव चन्द्रमणि पौडेल मनोनित गरेको छ।
प्रवक्ता राउत बराहक्षेत्र नगरपालिकाका बासिन्दा हुन्। राजनीतिशास्त्र तथा शिक्षाशास्त्रमा स्नातकोत्तर उनी पत्रकार पनि हुन्।
झापा दमकमा सम्पन्न विस्तारित बैठकले आगामी संघ र प्रदेशको चुनावमा राप्रपालाई बलियो शक्तिको रूपमा उठाउन केन्द्रीय अध्यक्ष राजेन्द्र लिङ्देनले कार्यकर्तालाई निर्देशन दिए। देशको समृद्धि र सकारात्मक रूपान्तरण गर्न सक्ने पार्टी राप्रपा मात्रै भएको उनको दाबी थियो।
राप्रपा प्रदेश १ अध्यक्ष थापाको सभापतित्वमा भएको कार्यक्रममा केन्द्रीय अध्यक्ष लिङ्देनको प्रमुख अतिथि, पूर्व गृहमन्त्री तथा सल्लाहकार समिति अध्यक्ष निरन्जन थापा विशिष्ठ अतिथि, महामन्त्री प्रल्हाद शाह, केन्द्रीय प्रवक्ता सगुनसुन्दर लावती, केन्द्रीय प्रवक्ता गोपाल दाहाल, सहप्रवक्ता दिनेश शाहलगायत केन्द्रीय सदस्यहरू अतिथि थिए। यस्तै, १२ वटै जिल्लामा अध्यक्ष बैठकमा सहभागी थिए।