काठमाडौँ । अर्थमन्त्रीमा पुनः जनार्दन शर्मा नियुक्त हुने पक्का भएको छ । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले आज बिहान प्रधानमन्त्री शेरबहादुर देउवालाई भेटेर शर्मालाई पुनः अर्थमन्त्री नियुक्त गर्न सिफारिस गरेका हुन् ।

उनलाई आजै शपथ ग्रहण गराउने तयारी भएको छ । स्रोतका अनुसार शर्माले आजै साँझ अर्थमन्त्रीको शपथ ग्रहण गर्ने भएका छन् ।

आर्थिक वर्ष २०७९–८० को बजेट निर्माणका क्रममा अनधिकृत व्यक्तिलाई प्रवेश गराई करको दर हेरफेर गरेको आरोप लागेपछि उनले गत असार २२ गते राजीनामा दिएका थिए ।