काठमाडौँ । ललितपुरको शंखमुल पुलबाट बागमती नदीमा हाम फालेकी महिलाको उद्धार गरिएको छ । महिलाको ज्यान उनकै जेठा श्रीमान् जितेन्द्र माझीले बचाएका हुन् ।

आफू कान्छो श्रीमानसँग बस्न चाहेको पनि जेठो श्रीमानले बस्न नदिएपछि काभ्रेकी ३५ वर्षीया लक्ष्मी जिरेल माझीले बुधबार साँझ पुलबाट नदीमा हामफालेकी थिइन् ।

श्रीमती माझीले आफ्ना तीन वटा छोराहरू कान्छो श्रीमानको बताउँदै उसैसँग बस्न चाहेको बताएकी थिइन् । तर, उनका जेठा श्रीमानले ५ वटै छोरा आफ्नो भएको दाबी गरेका छन् ।

जितेन्द्र कोटेश्वरमा फर्निचर व्यवसाय गरेर बसेका छन् । २० वर्षदेखि फर्निचर व्यवसाय गरेका उनको श्रीमतीले कान्छो श्रीमानसँग विवाह भएको १५ वर्ष पुगेको बताएकी छन् ।

लक्ष्मीले सिन्धुपाल्चोक खाडीचौरका विमल थापासँग दोश्रो विवाह गरेकी थिइन् ।