काठमाडौं । सरकारले काठमाडौं उपत्यका वरपरका जलस्रोतलाई उपत्यकाको खानेपानीको वैकल्पिक स्रोतको रुपमा उपयोग गर्ने भएको छ ।

बजेट वक्तव्यमार्फत अर्थमन्त्री जनार्दन शर्माले दुई खानेपानी आयोजनाका बारेमा अध्ययन थालिने बताएका हुन् ।

उनले बजेट वक्तव्यमा सिस्नेरी र ठोस्ने खोलाको पानी काठमाडौं ल्याएर वितरण गर्नेबारे अध्ययन हुने बताए ।

यस्तै, सरकारले शहरी खानेपानी तथा सरसफाई आयोजनाअन्तर्गत सुर्खेतको सुभाघाट, काभ्रेको पाँचखाल, दार्चुलाको खलंगा, भक्तपुरको ददिकोट, चितवनको सारारानगरमा खानेपानी आयोजना आगामी आर्थिक वर्षभित्र सम्पन्न गर्ने जनाएको छ ।

अर्थमन्त्री शर्माले यी आयोजनाबाट करिब एक लाख ९ हजार जनसंख्यालाई खानेपानी उपलब्ध हुने बताएका छन् ।