मेष- हातमा आएको प्रतिफल गुम्न सक्छ। अवसर आए पनि समयमा निर्णय लिन नसक्दा पछि परिनेछ। धैर्यले काम लिने समय छ।
वृष- खर्च लागे पनि दिगो फाइदा हुने काममा लगानी गर्ने अवसर जुट्न सक्छ। चुनौतीहरू पन्छाउँदै रोकिएका काम बनाउन सकिनेछ। व्यवसायमा फाइदै हुनेछ।
मिथुन- छिमेकमा असमझदारी बढ्ने योग देखिए पनि प्रतिस्पर्धाबाट फाइदा उठाउन सकिनेछ। प्रयत्न गर्दा टाढाको यात्रा गर्ने प्रक्रिया अघि बढ्न सक्छ। पति-पत्नीमा अविश्वास बढ्ने योग छ।
कर्कट- सामाजिक उत्तरदायित्व वहन गर्ने समय छ। रोकिएका काम सम्पादन हुनेछन्। परिवारजन तथा बन्धु-बान्धवबीच आत्मीयता बढ्नेछ। भूमि तथा मातृधनबाट लाभ लिने समय छ।
सिंह- नयाँ काम र जिम्मेवारी हात पार्न सफल भइनेछ। धार्मिक र परोपकारजन्य क्रियाकलापबाट प्रतिष्ठा पाइनेछ। गरिआएका काम र व्यापार-व्यवसायमा राम्रै फाइदा हुनेछ।
कन्या- समुदायको हित संरक्षण गर्दै धेरैको भलाइ हुने काम गर्न सकिनेछ। लगनशीलताले कीर्तिमान दिलाउन सक्छ। मौकाको फाइदा लिन सकिनेछ। शत्रु र रोगबाट छुटकारा मिल्नेछ। मुद्दा-मामिलामा विजयी भइएला। प्रेमको बन्धन कसिने बेला छ।
तुला- धेरैले तपाईंका कामको तारिफ गर्नेछन्। कीर्तिमानी काम गर्ने अवसर प्राप्त हुनेछ। प्रतिष्ठा कमाउने बेला छ। बौद्धिक प्रतिस्पर्धामा विजयी भइनेछ।
वृश्चिक- अरूको विश्वासमा पर्दा अन्त्यमा धोका पाइएला। केही अप्ठ्यारा परिस्थितिसँग सम्झौता गर्नुपर्दा मन खिन्न रहनेछ। बाध्यतापूर्ण कामको बोझ थपिन सक्छ। कृषि-चौपायाबाट लाभ मिल्नेछ।
धनु- आश मारेको कामले उत्साह जगाउनेछ। तत्काल लाभ नभए पनि विभिन्न सकारात्मक संकेतहरू प्राप्त हुनेछन्। महत्त्वाकांक्षी योजना फलीभूत होलान्। काममा मातापिताको सहयोग प्राप्त होला।
मकर- व्यावसायिक काममा राम्रै फड्को मार्न सकिनेछ। साझेदारी र सट्टापट्टामा विशेष लाभ मिल्नेछ। नयाँ जिम्मेवारी पाइएला। दिन उत्साहपूर्ण रहला। सुखद समाचार सुन्न पाइनेछ।
कुम्भ- चुनौतीहरूसँग सम्झौता गर्नुपर्ने हुन सक्छ। तापनि, प्रयत्न गर्दा सहयोगीका माध्यमबाट फाइदा उठाउन सकिनेछ। पढाइलेखाइमा प्रगति हुनेछ। प्रतिभाको कदर हुनेछ।
मीन– लामो समयदेखि रोकिएको काम बन्नुका साथै आम्दानीको स्रोत बढ्नेछ। पारिवारिक आवश्यकता पूर्ति होला। श्रमको उचित मूल्यांकन हुनेछ।