मेष- आफ्ना कमजोरीप्रति आफन्तजनले टिप्पणी वा गुनासो गर्लान्। हातबाट अवसर गुम्न सक्छ। मिहिनेत गर्दा अवसर भने पाइनेछ।
वृष- आफ्नो वर्गको नेतृत्व गर्दै प्रतिष्ठित काम सम्पादन गर्ने अवसर जुट्नेछ। कीर्तिमानी काम सम्पादन गर्न सकिनेछ। मान र विद्या प्राप्त हुने समय छ।
मिथुन- आज साथीभाइहरूबाट फाइदा उठाउन सकिएला। खर्च लागे पनि चिताएको काम बन्नेछ। व्यवसायमा लगानी बढाउने मौका जुर्न सक्छ। लगनशीलताले गुमेको प्रतिष्ठा दिलाउन सक्छ।
कर्कट- खर्च बढ्ने र आर्थिक अभावले सताउने योग छ। विपरीत लिंगी वा केही हितैषी मित्रहरूले साथ दिनेछन्। अस्वस्थताका बीच कामको बोझ बढ्नेछ।
सिंह- विभिन्न अवसर प्राप्त भए पनि अरूको मुख ताक्ने बानीले काममा धोका हुन सक्छ। विशेष उपहारका साथ प्रेमको प्रस्ताव पनि प्राप्त हुन सक्छ। आफ्नै कमजोरीले ढिलासुस्ती हुने देखिन्छ।
कन्या- लुगा, भोजन र विशेष उपहार हातलागी हुनेछन्। भोगविलासमा मन रमाउनेछ। कृषि व्यवसाय तथा पशुधनबाट विशेष फाइदा हुने दिन छ। नयाँ काममा हात हाल्ने समय आएको छ।
तुला- विपरीत लिंगीहरूको माध्यमबाट बढी लाभ होला। प्रेम र मित्रताको बन्धन कसिने बेला छ। दाम्पत्य सम्बन्ध सुमधुर बन्नेछ। पारिवारिक भेटघाटले मनमा आनन्द मिल्नेछ।
वृश्चिक- आज धनमाल हराउने, चोरिने वा ठगीमा परिने ग्रहयोग छ। विशेष अवसर प्राप्त भए पनि ईर्ष्या गर्नेहरूले दुःख दिनेछन्। अनायासै खर्च हुन सक्छ।
धनु- आम्दानीभन्दा बढी खर्च गर्नुपर्ने समय छ। लामो समयदेखि गरिएको लगानी र श्रमबाट कम मात्र प्रतिफल पाइएला। आज ठूला व्यक्तिहरूबाट मानसम्मान प्राप्त होला। मिष्ठान्न भोजन प्राप्त हुने दिन छ।
मकर- परिवारजनमा असमझदारी र मित्रजनसँग वैरभाव बढ्न सक्छ। व्यापारबाट भने लाभ हुनेछ। विशिष्ट व्यक्तित्वको सहयोगले विशेष अवसर पाइनेछ। धनलाभ पनि होला।
कुम्भ- यात्रा र सवारी साधन उपयोग गर्दा पनि अलि सावधानी अपनाउनुपर्ने समय छ। पढाइ आज खासै राम्रो छैन। उठ्नुपर्ने रकम हातलागी नहुँदा आर्थिक अभावले सताउन सक्छ।
मीन- ज्वरो, टाउको दुखाइ वा आँखाको समस्याले अलि सताउने देखिन्छ। जिम्मेवारीका काम समयमा सम्पादन गर्न नसकिएला। आज केही अवसर जुटे पनि परिस्थिति अलि संघर्षमय रहला।