मेष- स्वास्थ्यका लागि खानपानमा सजग रहनु होला। अस्वस्थताका बीच कामको बोझ बढ्नेछ। पार्टी, पिकनिक वा खानपान समारोहमा सहभागी भइएला। आतिथ्यपूर्ण सम्मान पाइनेछ।
वृष- आक्षेप लगाउनेहरू सक्रिय हुनेछन्। विवादले मन खिन्न तुल्याउन सक्छ। विभिन्न अवसर प्राप्त हुनेछन्। प्रियजनसँग भेटघाट र प्रशन्नताको समय छ।
मिथुन- व्यावहारिक झमेला आइलाग्न सक्छन्। तर, अप्ठ्यारो परिस्थितिमा पनि आश मारेको काम बन्नाले उत्साह जाग्नेछ। प्रशंसकहरू बढ्नेछन्।
कर्कट- इच्छाशक्ति बढ्नुका साथै चाँडै लक्ष्य प्राप्त गर्न सकिनेछ। पारिवारिक जमघटको फाइदा उठाउँदै विभिन्न परिकारको आनन्द लिन पाइनेछ।
सिंह- विश्वास गरेकाले धोका दिनेछन् भने साथीभाइहरू टाढिन सक्छन्। परिस्थितिको बन्धनमा परिने योग भएकाले सजग रहनु होला। तर्कशक्ति बढ्नुका साथै बौद्धिक क्षमता प्रदर्शन गर्ने मौका आउला।
कन्या- धेरै बोल्ने बानीले विवाद निम्त्याउन सक्छ। कुरा लगाउनेहरूले आत्मीय सम्बन्धमा फाटो उत्पन्न गर्न सक्छन्। सहयोगीहरूको भावनालाई बेवास्ता गर्दा समस्या देखापर्नेछ।
तुला- सहयोगीहरू जुट्नाले काममा फाइदा उठाउन सकिनेछ। आँटेका काम बन्नाले जोश-जाँगर बढ्नेछ। प्रेम र मित्रताको बन्धन कसिनेछ।
वृश्चिक- मित्रहरूको सञ्जाल फराकिलो हुनुका साथै प्रेमको गाँठो कसिन सक्छ। अरूको भावना बुझ्ने चेष्टा गर्नु होला। व्यवसायमा केही उतारचढाव आए पनि अन्ततः फाइदै हुनेछ।
धनु- स्वास्थ्यका लागि खानपानमा ध्यान पुर्याउनु होला। पढाइलेखाइमा प्रगति हुने समय छ। खर्च लागे पनि कामको प्रयत्न सफल हुने समय छ।
मकर- खर्च बढ्नाले समस्या उत्पन्न हुन सक्छ। अवसरको खोजीमा केही दौडधुप गर्नुपर्ला। नजिकका आफन्त टाढिन सक्छन्, विशिष्टजनसँग मित्रता बढ्न सक्छ।
कुम्भ- नाता गाँस्नेहरूले केही दुःख दिनेछन्। लगनशीलताले कीर्तिमान दिलाउन सक्छ। भाग्य बलवान् रहनेछ। रमाइलो यात्राका बीच आतिथ्यपूर्ण सम्मान पाइनेछ।
मीन- पहिलेका सहयोगी प्रतिस्पर्धीका रूपमा देखा पर्न सक्छन्। रोकिएको काम बन्नाले उत्साह जाग्नेछ। धार्मिक क्रियाकलापमा रुचि जाग्नेछ। रचनात्मक कामले आम्दानीको दिगो स्रोत जुट्न सक्छ।