मेष- परिस्थितिले अप्ठ्यारा चुनौतीहरूसँग सम्झौता गराए पनि प्रयत्न गर्दा सहयोगीका माध्यमबाट फाइदा उठाउन सकिनेछ। मिहिनेत गर्दा विस्तारै कर्मफल प्राप्त हुनेछ।
वृष- बिछोडिएका आफन्तसँग भेटघाट हुनुका साथै स्वादिष्ट भोजनमा रमाउने अवसर प्राप्त हुनेछ। फजुल खर्च पनि बढ्नेछ। मिहिनेतबाट विशेष उपलब्धि हासिल हुनुका साथै मानसम्मानसमेत प्राप्त हुनेछ।
मिथुन- स्वास्थ्यमा अलि कमजोरी अनुभूति हुनेछ। केही बाध्यतापूर्ण काममा जुट्नुपर्ला। सहयोगको आशा देखाउनेहरूले झुक्याउन सक्छन्। स्वास्थ्य प्रतिकूल रहे पनि हिम्मतले काम लिनु होला।
कर्कट- बुद्धिको उपयोगले धेरैलाई आफ्नो पक्षमा लिन सकिनेछ। काम पूरा नभए पनि आंशिक फाइदा हुनेछ। सामाजिक उत्तरदायित्व वहन गर्दै पछि फाइदा हुने काम हात पार्ने मौका छ।
सिंह- विगतको सफलताले थप काम गर्न हौसला प्रदान गर्नेछ। आयआर्जनका स्रोत बढ्नेछन् र दैनिक काममा पनि राम्रै फाइदा हुनेछ। चिताएको काम बन्नाले प्रशन्नता मिल्नेछ।
कन्या- नयाँ कामको प्रस्ताव आउनेछ भने पहिलेका कमीकमजोरीलाई पनि सुधार गर्ने मौका छ। मनग्य धन आर्जन हुने समय छ। कामको चाप र थकाइबाट मुक्त रही विश्राम पाइनेछ।
तुला- आश मारेको काम बन्नाले उत्साह जाग्नेछ। उपलब्धिको स्रोत पहिल्याउन सकिनेछ। जिम्मेवारी प्राप्त भए पनि तत्काल फाइदा उठाउन नसकिएला। खानपानको असावधानीले स्वास्थ्य कमजोर बन्ला।
वृश्चिक- शुभचिन्तकहरूको सुझावलाई बेवास्ता गर्दा दुःख पाइनेछ। तथापि, मिहिनेतको फल प्राप्त हुनेछ। दिगो फाइदा हुने काममा लगानी गर्ने मौका प्राप्त हुनेछ।
धनु- खर्च लागे पनि टाढाको यात्रा गर्ने प्रक्रिया अघि बढ्न सक्छ। विभिन्न सहयोग र उपहार प्राप्त हुने समय छ। आयआर्जन पनि राम्रै हुनेछ।
मकर- मनग्य धन र भौतिक वस्तु लाभ हुने समय छ। गरिएका कामको राम्रै मूल्यांकन हुनेछ। व्यापार तथा साझेदारीमा पनि फाइदा हुनेछ। लगनशीलताले प्रतिष्ठित काम गर्ने मौका दिलाउनेछ।
कुम्भ- वादविवादमा परिने योग भएकाले विचारलाई तौलेर मात्र व्यक्त गर्नु होला। आँट गर्न नसक्दा योजना कार्यान्वयन नहुन सक्छ। छिमेकमा असमझदारी बढ्ने समय भएकाले होसियारीसाथ काम लिनु होला।
मीन- चुनौतीहरू पन्छाउँदै रोकिएका काम पनि सम्पादन गर्न सकिनेछ। फाइदाका पछि लाग्दा साथीभाइ टाढिन सक्छन्। अरूको विश्वास जिते पनि आफ्नाले धोका दिन सक्छन्।