इन्डियन प्रिमियर लिग (आईपीएल)मा पञ्जाब किङ्सलाई हराउँदै राजस्थान रोयल्सले आफ्नो तेस्रो स्थान सुरक्षित राखेको छ। शनिबार भएको खेलमा राजस्थानले पञ्जाबलाई ६ विकेटले पराजित गरेको हो।
पञ्जाबले जितका लागि १९० रनको लक्ष्य दिएको थियो। राजस्थानले यशस्वी जयसवालको अर्धशतक (६८ रन), जोस बटलरको ३०, देवदत्त पड्डिकलको ३१, हेटमायरको ३१ रनसहित पञ्जाबलाई ६ विकेटले पराजित गरेको हो।
पञ्जाबको तर्फबाट अर्शदीप सिंहले दुई, कगिसो रबाडा र ऋषि धवनले १–१ विकेट लिए। त्यसअघि टस जितेर बलिङमा उत्रिएको पञ्जाबको तर्फबाट जोनी बेयरेस्टोले अर्धशतक (४० बलमा ५६ रन), विकेटकिपर वितेश शर्माले १८ बलमा ३८ रन, भानुका राजापाक्षेले १८ बलमा २७ रन र लियम लिविङ्स्टनले १४ बलमा २२ रन जोडेका थिए।
पञ्जाबले २० ओभरमा पाँच विकेटको क्षतिमा १८९ रन बनाएको थियो। राजस्थानको तर्फबाट युजवेन्द्र चहलले चार ओभरमा २८ रन दिएर तीन विकेट गिराए। यस्तै, रविचन्द्रन अश्विन र प्रसिद्ध कृष्णाले १–१ विकेट लिए।
