काठमाडौं- काठमाडौंको चन्द्रागिरि नगरपालिका वडा नम्बर १५ ढुङ्गेअड्डामा सवारी साधनको ठक्करबाट एक पुरुषको मृत्यु भएको छ।

गएराति कलंकीबाट थानकोटतर्फ जाँदै गरेको नम्बर नखुलेको सवारी साधनले किच्दा नाम, थर र वतन नखुलेका करिब ४० वर्षीय पुरुषको मृत्यु भएको प्रहरीले जनाएको छ।

दुर्घटनामा गम्भीर घाइते भएका उनको त्रिवि शिक्षण अस्पतालमा उपचारको क्रममा मृत्यु भएको हो। ठक्कर दिएर फरार भएको सवारी साधन र त्यसका चालकको खोजी भइरहेको प्रहरीले जनाएको छ।