काठमाडौं- लामो समयदेखि रोकिएको अखिल नेपाल टेबल टेनिस संघको हिजो सम्पन्न निर्वाचनमा बृजेन्द्रबहादुर हमालको नेतृत्वमा १२ सदस्यीय कार्यसमिति निर्बिरोध चयन भएको छ।

संघको निर्वाचनमा उपाध्यक्षमा गोवर्धन श्रेष्ठ, मनोहरकुमार पोखरेल र पूर्णशंकर श्रेष्ठ निर्वाचित भएका हुन्।

यस्तै, महासचिवमा कुबेरप्रकाश सिंह, सचिवमा प्रज्वलकान्त मैनाली र कोषाध्यक्षमा ज्याकी महर्जन निर्विरोध निर्वाचित भएको प्रमुख निर्वाचन अधिकृत सरोज पोखरेलले बताए।

सदस्यहरुमा शिवसुन्दर गोथे, नरबहादुर क्षेत्री, रिषिराज लहरे, नवीनबहादुर सिंह र सन्तोषकुमार पौडेल निर्बिरोध निर्वाचित भएका छन्।

यसअघि, राष्ट्रिय खेलकुद परिषद्बाट खेलकुद विकास विभाग प्रमुख सरोजकुमार पोखरेल, संघसंस्था शाखा प्रमुख चन्द्रकुमार राई र कानून शाखा प्रमुख नारायणराज अर्यालसहितको ३ सदस्यीय चुनावी समिति गठन भएको थियो।