काठमाडौं- काठमाडौंका विभिन्न क्षेत्र जलमग्न भएका छन् । निरन्तरको वर्षाले सडकमा पानी जम्दा पैदलयात्रुहरु समस्यामा पर्नुका साथै सवारी साधनको पनि लामो लाइन लागेको छ ।

माइतीघर, लैनचौर, पुतलीसडक, स्वयम्भु, कोटेश्वर, केशरमहल, मध्यबानेश्वर, शान्तिनगर लगायतका मुख्य सडक र सहायक सडकहरु जलमग्न भएकाले सवारी आवागमन प्रभावित भएको छ ।

बनस्थली चोकबाट खरिबोटतर्फ जाने सडकमा पनि भेल बगेर आवागमन प्रभावित भएको छ । बबरमहलको वन कार्यालय परिसर पनि जलमग्न छ । वन कार्यालयका केही कर्मचारीहरु हातमा जुत्ता बोकेर कार्यालय पुगेका छन् ।

काठमाडौंको धाप ड्याम क्षेत्रमा ४९.८, कपनमा ३९.८, सुन्दरीजलमा ३५.८, बुढानीलकण्ठमा ३१.६ र नैकापमा ३०.८ मिलिमिटर वर्षा भएको छ ।

अहिले पुरै काठमाडौं जलमाडौं भएको छ ।