काठमाडौं- कपिलवस्तु कपिलवस्तु नगरपालिका-१ हुलाकी चोक बस्ने २९ वर्षीय सुनिल थापा आफ्नै घरको सटरमा आइतबार मृत अवस्थामा फेला परेका छन् ।

कञ्चनपुर बेदकोट नगरपालिका-८ भासि शुभकामना टोलस्थित सडक छेउको कल्भटमा सोही ठाउँ बस्ने ४० वर्षीय गगन सार्की आइतबार मृत अवस्थामा फेला परेका छन् ।

ललितपुर ललितपुर महानगरपालिका-१ नम्बर वडा कार्यालय नजिक बाग्मती खोलाको किनारमा हाल नाम, थर, वतन नखुलेका अन्दाजी ४५ वर्षीय पुरूष आइतबार मृत अवस्थामा फेला परेका छन् ।